ჭიკაანი

ჭიკაანი ალაზნის ვაკეზე, ახალსოფლიდან ჩრდილო-აღმოსავლეთით დგას, ზღვის დონიდან 300 მეტრზე, ყვარლიდან 16 კილომეტრში. ადმინისტრაციული ერთეულის ცენტრია — მას ზინობიანი და ჩანტლისყურე ემორჩილება.

წერილობით წყაროებში სოფელი XVIII საუკუნის 70-იანი წლებიდან იხსენიება. ჭიკაანი, გავაზთან ერთად, კახეთის უკიდურეს აღმოსავლეთ სასაზღვრო ხაზს წარმოადგენდა, ქართლისა და კახეთის შიდა სოფლებისგან განსხვავებით კი დაუცველი იყო — სათავდაცვო ნაგებობა მას არ ჰქონია. ლეკები ხშირად ესხმოდნენ თავს, თავის მხრივ ჭიკაანლებიც აწყობდნენ თავდასხმებს ჭარელ ლეკებზე.

სოფელი დღესაც მევენახეობას მისდევს. 2014 წლის აღწერით ჭიკაანში 1928 კაცი ცხოვრობდა, 2024 წლის მონაცემებით — 1809.