ქვიშანჭალა, ყოფილი ორპირი, სამეგრელო-ზემო სვანეთის მხარის აბაშის მუნიციპალიტეტის სოფელია პირველი მაისის თემში.
01
აღწერა
ოდიშის დაბლობზე, მდინარე ცხენისწყლის მარცხენა ნაპირას, ზღვის დონიდან 20 მეტრზე მდებარეობს; ქალაქ აბაშიდან 12 კილომეტრითაა დაშორებული.
სოფლის ძველი სახელწოდება ორპირია; ქვიშანჭალა ჭილაძეების სათავადოში შედიოდა. აქ კინოფილმ „ნერგების“ ერთი ეპიზოდი გადაიღეს. 2011 წელს სოფელში წმინდა გიორგის სახელობის ეკლესია აშენდა.
სოფლის მოსახლეობის 99,1% ქართველია.
2002 წლის აღწერით სოფელში 168 მცხოვრები იყო — 83 მამაკაცი და 85 ქალი. 2014 წლის აღწერით სოფელში 116 ადამიანი ცხოვრობდა — 58 მამაკაცი და 58 ქალი.