ლეწფერი სამეგრელო-ზემო სვანეთის მხარის მესტიის მუნიციპალიტეტის სოფელია ჭუბერის თემში.
01
აღწერა
კოდორის ქედის აღმოსავლეთ კალთის ძირას, ენგურის მარჯვენა შენაკადის — ნენსკრის — მარჯვენა ნაპირას, ზღვის დონიდან 800 მეტრზე მდებარეობს; მესტიიდან 73 კილომეტრითაა დაშორებული.
სოფლის მოსახლეობა მთლიანად ქართველია.
2002 წლის აღწერით სოფელში 110 მცხოვრები იყო — 59 მამაკაცი და 51 ქალი. 2014 წლის აღწერით სოფელში 88 ადამიანი ცხოვრობდა — 44 მამაკაცი და 44 ქალი.