ფოცხოეწერი

მდინარე ენგურის მარჯვენა ნაპირზე, ზღვის დონიდან 250 მეტრზე მდებარეობს; ქალაქ წალენჯიხიდან 22 კილომეტრითაა დაშორებული, უახლოესი სარკინიგზო სადგურიდან, ჯვარიდან — 4 კილომეტრით.

ფოცხოეწერი ენგურჰესის მშენებლობასთან დაკავშირებით დაარსდა და 1972 წლიდან მუშათა დასახლებას წარმოადგენდა. 2010 წელს საქართველოს მთავრობის გადაწყვეტილებით სოფელში თბილისში მცხოვრები, აფხაზეთიდან იძულებით გადაადგილებული 80-მდე ოჯახი ჩაასახლეს.

სოფლის მოსახლეობის 93,5% ქართველია, 4,6% — რუსი, 1% — უკრაინელი.

2002 წლის აღწერით სოფელში 399 მცხოვრები იყო — 192 მამაკაცი და 207 ქალი. 2014 წლის აღწერით სოფელში 306 ადამიანი ცხოვრობდა — 152 მამაკაცი და 154 ქალი.