ორპირი

ორპირი მდინარე წყალწითელას ნაპირებზე, ქუთაისი-ტყიბულის სარკინიგზო და საავტომობილო გზაზე დგას, ზღვის დონიდან 300 მეტრზე, ტყიბულიდან 22 კილომეტრში. თემის ცენტრია — მას ზედა ჭყეპი, კოკა, ლაფეთი, მანდიკორი, ნაბოსლევი, ოხომირა, ქვედა ჭყეპი, შუყერი და ჯონია ემორჩილება.

1926 წლისთვის ორპირის თემი 21 სოფლისგან შედგებოდა, მოსახლეობა 5173 კაცს შეადგენდა, ფართობი კი 115,2 კვადრატულ კილომეტრს.

სოფელში საექიმო პუნქტი, საბავშვო ბაღი, საჯარო სკოლა და თამარ მეფის სახელობის ეკლესიაა.

2014 წლის აღწერით ორპირში 936 კაცი ცხოვრობდა — 466 მამაკაცი და 470 ქალი.