გურნა

გურნა რაჭის ქედის სამხრეთ კალთაზე, მდინარე ჭალის — წყალწითელას მარჯვენა შენაკადის — მარჯვენა მხარეს დგას, ზღვის დონიდან 610 მეტრზე. ადმინისტრაციული ერთეულის ცენტრია — მას ანტორია, ბობოთი, კითხიჯი, კისორეთი, კორეეთი, ნაძვა და ციხია ემორჩილება. გზით ტყიბულიდან 35 კილომეტრითაა დაშორებული, პირდაპირ ხაზით კი 11-ით.

წყაროებში გურნა პირველად 1660 წელს იხსენიება. 1926 წლისთვის გურნას თემი შვიდი სოფლისგან შედგებოდა, მოსახლეობა 4717 კაცს შეადგენდა, ფართობი კი 130,1 კვადრატულ კილომეტრს.

სოფელში საჯარო სკოლა და საექიმო პუნქტია; გადის ტყიბული-ქუთაისის საავტომობილო გზა.

2014 წლის აღწერით გურნაში 419 კაცი ცხოვრობდა — 202 მამაკაცი და 217 ქალი.