ტყაია სამეგრელო-ზემო სვანეთის მხარის ზუგდიდის მუნიციპალიტეტის სოფელია ჩხორიის თემში.
01
აღწერა
მდინარე ენგურის მარცხენა სანაპიროზე, ზღვის დონიდან 125 მეტრზე მდებარეობს; ქალაქ ზუგდიდიდან 17 კილომეტრითაა დაშორებული.
სოფლის დღევანდელი ტერიტორია დადიანების მმართველობის ჟამს მთლიანად ტყით იყო დაფარული და მთავართა საყვარელ სანადირო ადგილს წარმოადგენდა; მიუთითებენ, რომ სოფლის სახელიც აქედან წარმოიშვა — ტყაია მეგრულად ტყიან ადგილს ნიშნავს.
სოფელში XIX საუკუნის წმინდა გიორგის სახელობის ეკლესია დგას.
სოფლის მოსახლეობა მთლიანად ქართველია.
2002 წლის აღწერით სოფელში 1 332 მცხოვრები იყო — 614 მამაკაცი და 718 ქალი. 2014 წლის აღწერით სოფელში 683 ადამიანი ცხოვრობდა — 330 მამაკაცი და 353 ქალი.
02
